Vienres, 9 de xineru de 2015 Muñigu (Aparcamientu del restaurante y muséu "La Puerta de Cuadonga" - Camín natural Muñigu a Cuadonga - Cuadonga - Senderu La Matona (Pel Monte Auseva) - Vega Orandi - Campu del Escobiu - Les Mestes - Panda'l Pandal - Xerra Porciles - LLaceríes - El Bastañar - Moferos - Carretera Los LLagos - Cuadonga - Muñigu.
"Escueyi'l monte que quieras subir: Nun te dexes llevar polos comentarios de los demás, que dicen "esa ye más guapa" o "aquella ye más fácil". Vas gastar muncha enerxía y entusiasmu n'algamar el to oxetivu y polo tanto yes tú l'únicu responsable y debes tar seguru de lo que tas faciendo". De "Manual para escalar montañas".
Distancia: 14,82 km
Finaliza nel puntu de salida (circular): Sí
Subiendo: 622
Altitú max: 725 m
Baxando: 622 m
Altitú min: 135 m
Cuando a vegaes repaso na mio mente los milenta caminos d'Asturies que tovia nun patié viénenme nomes de montes, siendes, llugares,...de los que tol mundu fala y atopes a mamplén en artículos y reportaxes. Por embargu sitios cercanos, rutes guapes y fáciles que tola xente conoz, paisaxes emblemáticos que suel conocer el turista que vien a Asturies dos o tres veces na vida pásenme desapercibíos y van quedando arrequexaos na mio cabeza.
Esti guapu percorríu ye un d'esos paseos que nunca planifiques porque quiciabes nel subconsciente ta escrito que vas facelu en cualquier momentu sin necesidá de preparar nada.
La verdá ye que la caminata presta a esgaya y nun tien esperdiciu casi nengún rincón per onde se pasa.
Presta la subida pel ondulante senderu La Matona (Pel monte Auseva); déxate ablucáu l'impresionante abismu d'Orandi per onde desapaecen les agües camín de la cueva de Cuadonga; ye perguapa la vega a la vera'l ríu arrodiada de caliar y d'una guapa viesca; la subida pel Pandal hasta llegar a la cueña Porciles ye un prestosu trechu de paséu montañeru; son perguapos los mayaos de LLaceríes y El Bastañar; presta baxar a la carreterra los LLagos pente ablanos, castañales, fayes, abedurios y otres especies autóctones y nun tienen desperdiciu les vistes dende la xerra Porciles del monte Auseva, el picu Sienra, el Priena, la vega Orandi, la viesca Retortoriu,...
Lo que menos presta ye'l trayeutu de Moferos a Cuadonga pela carretera los Llagos anque nesta época cuasi nun tien tráficu. De magar llegues al santuariu hai cera hasta Muñigu.
Como cantidá de veces, faciendo un paséu descubres otru, quedáronme les ganes d'evitar la carretera subiendo al picu Priena y baxando dende ellí a Cuadonga. Otra escursión más que queda pendiente...
"Escueyi'l monte que quieras subir: Nun te dexes llevar polos comentarios de los demás, que dicen "esa ye más guapa" o "aquella ye más fácil". Vas gastar muncha enerxía y entusiasmu n'algamar el to oxetivu y polo tanto yes tú l'únicu responsable y debes tar seguru de lo que tas faciendo". De "Manual para escalar montañas".
Distancia: 14,82 km
Finaliza nel puntu de salida (circular): Sí
Subiendo: 622
Altitú max: 725 m
Baxando: 622 m
Altitú min: 135 m
Cuando a vegaes repaso na mio mente los milenta caminos d'Asturies que tovia nun patié viénenme nomes de montes, siendes, llugares,...de los que tol mundu fala y atopes a mamplén en artículos y reportaxes. Por embargu sitios cercanos, rutes guapes y fáciles que tola xente conoz, paisaxes emblemáticos que suel conocer el turista que vien a Asturies dos o tres veces na vida pásenme desapercibíos y van quedando arrequexaos na mio cabeza.
Esti guapu percorríu ye un d'esos paseos que nunca planifiques porque quiciabes nel subconsciente ta escrito que vas facelu en cualquier momentu sin necesidá de preparar nada.
La verdá ye que la caminata presta a esgaya y nun tien esperdiciu casi nengún rincón per onde se pasa.
Presta la subida pel ondulante senderu La Matona (Pel monte Auseva); déxate ablucáu l'impresionante abismu d'Orandi per onde desapaecen les agües camín de la cueva de Cuadonga; ye perguapa la vega a la vera'l ríu arrodiada de caliar y d'una guapa viesca; la subida pel Pandal hasta llegar a la cueña Porciles ye un prestosu trechu de paséu montañeru; son perguapos los mayaos de LLaceríes y El Bastañar; presta baxar a la carreterra los LLagos pente ablanos, castañales, fayes, abedurios y otres especies autóctones y nun tienen desperdiciu les vistes dende la xerra Porciles del monte Auseva, el picu Sienra, el Priena, la vega Orandi, la viesca Retortoriu,...
Lo que menos presta ye'l trayeutu de Moferos a Cuadonga pela carretera los Llagos anque nesta época cuasi nun tien tráficu. De magar llegues al santuariu hai cera hasta Muñigu.
Como cantidá de veces, faciendo un paséu descubres otru, quedáronme les ganes d'evitar la carretera subiendo al picu Priena y baxando dende ellí a Cuadonga. Otra escursión más que queda pendiente...
No hay comentarios:
Publicar un comentario