Martes, 25 d'avientu de 2012 Cornalvo: Pel cerru'l Gatu y xerra Bermeya
Dende Mèrida pela autopista a A-66, dirección Cáceres, a unos 15 kilómetros, ta'l pueblu de Aljucén. Ye la salida 606 y sin entrar na población, pela N 630, llégase a una gasolinera que a esti llau de la carretera ta abandonada.Ye un sitiu afayadizu pa dexar el coche.
Dende ehí mesmu empecé a caminar. A la mandrecha el ríu que lleva'l nome'l pueblu y a manzorga la devesa enllena oveyes y dalgún qu'otru caballu.
Un km y mediu más p'alantre hai un cruceru y la escavación de les ruines d'ún antiguu puente romanu. Paga la pena echái una güeyada.
Dende equí y en suave xubida siguí l'antiguu Camín de la Plata y güei tamién Camín de Santiago. Nun tien pérdiga porque en toles posibles desviaciones pon "Prohibíu'l pasu".
Con una bona moyaura, empezó a llover cuando entamé la patiada, foi pasando ente rebaños d'oveyes, de vaques cola so reciella y dempués de gochos. A derecha ya izquierda encines y carbayos corcheros pero tamién madrueños, beruzos y otros arbustos. Llama l'atención el mofu blancuxu que crez nel tueru de dalgunos.
Di la vuelta pel mesmu camín. L'aire y l'agua facíen un poco incómoda la marcha pero con too prestóme. Nun ta mal eso de cambiar de paisaxes de xemes en cuando.
Hola Arturo, que diferente los paisajes. Lastima de tirmpu. Les fotos perguapes y si no m´equivoco esi mofu son líquenes.
ResponderEliminarTienes razón, el mofu ye una planta criptógama o sea de la mesma familia que los liques (nome n'asturianu).
ResponderEliminarCuando escribí la entrada nun se me ocurrió'l nome. Gracies.
Ye verdá que los paisaxes estremeños son mui distintos. De toes formes y a pesar de que'l tiempu nun ayudó prestáronme les caminates. Espero que nun sean les últimes.