Va prestame poner equí dalgunes de les munches semeyes que faigo nes mios caminates. Nun pretendo describir rutes nin dar conseyos sobre'l meyor camín pa faceles. N'Internet hai abondo d'eses informaciones y lo único que diba conseguir ye confundir.
De toes formes toi abiertu a responder a les entrugues que faiga daquién interesáu en dalgún de los mios paseos.
Fadré una introducción de caúna de les rutes.

jueves, 25 de abril de 2013

Forcaos Viel.los, Loral, Cuevallagar

        Sábadu, 20 d'abril de 2013        Cantu la Cruz - Portiel.la El Guamón - Camín de Maraviu - Forcaos Viel.los - Loral - Cuellagar - Portiel.la El Guamón - Cantu la Cruz.

        "Pa min solo esiste una manera  más agradable de viaxar qu'a caballu: a pie. Aníciase la marcha cuando t'apetez; párase según to voluntá; esfórciase poco o muncho según se desee; obsérvase too..."
         Jean-Jacques Rousseau (Sieglu XVIII)

        El pasáu tres de marzu intenté facer esta guapa escursión, pero había nieve en cantidá y nun pudo ser. Namás que llegué a la portiel.la Guamón.
        Mes y mediu más tarde, con un tiempu bastante guapu, pudi completar esti  prestosu paséu.
        Siempre ye agradable caleyar pela pista de los praos de Rañón y La Muria, na mortera Candeales. Dexar que los nuesos güeyos disfutren  mirando pal Aramu, el Gurrión, peña Rueda, les Ubiñes...
        Dirixir la vista pa la xerra Caranga y imaxinar que salimos de Villamexín y subimos pente praos a la Collada Aciera pa ver los valles de Quirós y llueu engolamos na Forcada, Cuetu Mar o Coscorbal...
        Presta agüeyar a manzorga pa ver el pueblín de Sograndiu arrodiau de praos, viesques y montes.
        Dende la portiel.la Guamón empezamos a ver Forcaos Viel.los y enseguida dende una collada al pie del Pigurices pue vese Loral, la campera Cuellagar y el camín de Maraviu qu'hai que siguir un trechu pa entamar la primera subida.
        Llegar a la cume d'esti modestu picu nun tien dificultá. Ye de los que a mi me presten y nun tien comparanza col vecín Loral. Les vistes dende la cume son perguapes: l'Aramu, xerra Caranga, la Sobia, Les Ubiñes, Gradura, montes del sur de Teverga y Somiéu, los picos qu'arrodien a Marabiu, xerra Manteca, El Cornión,...
        Anque nun seya comparable a Forcaos Viel.los nin preste la subida, merez la pena acercase a l'arredondiada cume de Loral. Quiciabes aumente la visión a norte, nordeste y noroeste. Tamién hai una bona panorámica de la campa de Cuellagar.
        Dempués, ye guapo echa-y una güeyada a la llamativa y solitaria cabaña, antes d'acercase a la cuevona.
        A la vuelta, otra vez a gociar, de la mesma manera qu'al dir, del guapu paisaxe que tenemos a la vista.
        Paga la pena facer esta cenciella patiada.

5 comentarios:

  1. Siempre que tengas alguna duda sobre los nombres de esta parte de Asturias, te aconsejo te pongas en contacto con mi amigo Álvaro García del G.M. Moscón de Grado. Te servirá de gran ayuda. Un excelente montañero y mejor persona. Su blog: " La mochila de Alvagar".
    Bonito reportaje, compañero.
    Un abrazo.

    ResponderEliminar
  2. Munches gracies por echa-y una güeyada al blog y otres tantes por ayudame.
    Un saludu

    ResponderEliminar
  3. Guapa pateada, este fin de semana se volverá a poner blanco.
    Un saludo.

    ResponderEliminar
  4. Hola Arturo, guapa ruta que tengo que facer esta temporada. Y de pasu agradecei a Viti la dirección del Bloog de Álvaro García. Un abrazu.

    ResponderEliminar
  5. Bona patiscada y preciosa fotografias Arturo. Un abrazu enorme.

    ResponderEliminar