Vienres, 25 d'ochobre de 2013 Boo - Bustiyé - Cantu Les Cruces - Megalitos del Padrún - Carabanés - Picu Cerra. Regresu per Campa Espines - Les Cruces - Boo.
"El primer pasu de la inoracia ye presumir de saber, y munchos sabríen si nun pensaren que saben" Baltasar Gracián
Toi engardiáu colo mui antiguo y colo mui moderno. O a lo meyor ye que la mio intelixencia nun da pa más. El casu ye que onde muncha xente ve o diz que ve coses perguapes o perinteresantes yo nun veo más qu'un trapu con escarabayos, un cachu fierru o formigón, unos peñascos...
Voi per una plaza, per un parque o per una autopista y déxenme ablucáu los fierros o bloques de cementu armáu que fixo un escultor nomáu, que cobró pol so trabayu dineru a montones y qu'amás hai persones que-yos gusta; que se ponen al so llau pa facer una semeya, que falen ensin parar de la guapura d'aquello.
Nun s'olviden en mio casa, cuando faciendo una visita nel muséu Reina Sofía, casi tuvieren que tapame la boca pa nun escandalexar coles risiotades que me provocaren los, pa min, garabatos de Miró.
D'esta miente de xemes en cuando pienso si nun quedrán tomamos el pelo.
Daqué paicío pásame col arte megalíticu. Más d'una vez visité yacimientos prehistóricos y onde los espertos ven menhires, dólmenes o cronlechs yo namái veo piedres desorganizaes. Otru tanto de lo mesmo pásame colos castros. Miro y remiro y nun veo mas que broza y cárcoves.
Los megalitos del Padrún son un exemplu de lo anterior. Pasaríenme desapecibíos si nun hubiere señales y carteles indicativos. El sitiu ye guapu. Ta nun altu y ye vistosu pero de lo demás...
Asina y too prestóme'l paséu. Dexé'l coche na plaza'l pueblu de Boo y entámase a subir per Bustiyé. De siguío acábense les cases y per una pista bien pindia pasamos pel Cantu Marianes y Cantu Cazurrín. De sécute travesamos pela viesca de fayes El Faillín. Siguimos hasta'l Cantu les Cruces. Esvíamosmos a manzorga pa llegar a El Padrún onde los doctos pues esfrutar cola vista los megalitos.
Volvemos a la pista y siguimos subiendo hasta Carabanés. Dende equí' pente beriza abondo y sin nenguna dificultá ascendemos al picu Cerra.
Baxamos pel mesmu camín hasta'l Cantu Les Cruces y pela Via Carisa, pasando per Campa Espines, llegamos a Les Cruces. Agora a mandrecha per La Prubía llegamos a Boo.
El camín ye casi tou pista, la mayoría de tierra. Pa min munchu meyor que de formigón. Hay mui bones vistes de los valles d'Ayer y L.lena. Tamién facemos disfrutar a los nuesos güeyos coles vistes de Peña Mea, Peñamayor y el cordal de Longalendo pa un llau y Les Ubiñes pal otru.
En resume una fácil y entretenida escursión que paga la pena facer.
"El primer pasu de la inoracia ye presumir de saber, y munchos sabríen si nun pensaren que saben" Baltasar Gracián
Toi engardiáu colo mui antiguo y colo mui moderno. O a lo meyor ye que la mio intelixencia nun da pa más. El casu ye que onde muncha xente ve o diz que ve coses perguapes o perinteresantes yo nun veo más qu'un trapu con escarabayos, un cachu fierru o formigón, unos peñascos...
Voi per una plaza, per un parque o per una autopista y déxenme ablucáu los fierros o bloques de cementu armáu que fixo un escultor nomáu, que cobró pol so trabayu dineru a montones y qu'amás hai persones que-yos gusta; que se ponen al so llau pa facer una semeya, que falen ensin parar de la guapura d'aquello.
Nun s'olviden en mio casa, cuando faciendo una visita nel muséu Reina Sofía, casi tuvieren que tapame la boca pa nun escandalexar coles risiotades que me provocaren los, pa min, garabatos de Miró.
D'esta miente de xemes en cuando pienso si nun quedrán tomamos el pelo.
Daqué paicío pásame col arte megalíticu. Más d'una vez visité yacimientos prehistóricos y onde los espertos ven menhires, dólmenes o cronlechs yo namái veo piedres desorganizaes. Otru tanto de lo mesmo pásame colos castros. Miro y remiro y nun veo mas que broza y cárcoves.
Los megalitos del Padrún son un exemplu de lo anterior. Pasaríenme desapecibíos si nun hubiere señales y carteles indicativos. El sitiu ye guapu. Ta nun altu y ye vistosu pero de lo demás...
Asina y too prestóme'l paséu. Dexé'l coche na plaza'l pueblu de Boo y entámase a subir per Bustiyé. De siguío acábense les cases y per una pista bien pindia pasamos pel Cantu Marianes y Cantu Cazurrín. De sécute travesamos pela viesca de fayes El Faillín. Siguimos hasta'l Cantu les Cruces. Esvíamosmos a manzorga pa llegar a El Padrún onde los doctos pues esfrutar cola vista los megalitos.
Volvemos a la pista y siguimos subiendo hasta Carabanés. Dende equí' pente beriza abondo y sin nenguna dificultá ascendemos al picu Cerra.
Baxamos pel mesmu camín hasta'l Cantu Les Cruces y pela Via Carisa, pasando per Campa Espines, llegamos a Les Cruces. Agora a mandrecha per La Prubía llegamos a Boo.
El camín ye casi tou pista, la mayoría de tierra. Pa min munchu meyor que de formigón. Hay mui bones vistes de los valles d'Ayer y L.lena. Tamién facemos disfrutar a los nuesos güeyos coles vistes de Peña Mea, Peñamayor y el cordal de Longalendo pa un llau y Les Ubiñes pal otru.
En resume una fácil y entretenida escursión que paga la pena facer.
Hola Arturo, estuviste en mi zona, esa cumbre la subo a veces desde casa o desde Carabanzo. Sopena, Ranero, Espines o Cerra, son mis cumbres ya desde nenu!!!!
ResponderEliminarEn cuanto a los megalitos, aunque entiendo tu postura -yo tampoco veo na ahí- nun me atrevo a criticalo tampoco.
Un saludo
Yo nun lo critico. Asumo la mio inorancia. Cuánto meyor sería pa min poder entendelo y ver lo que ve muncha xente. De xuru que disfrutaría muncho más de los mios viaxes o paseos y d'otres situaciones cotidianes.
ResponderEliminarToi convencíu que la cultura amás de facemos más llibres en munches ocasiones fae que se saque munchu más provechu d'infinidá de coses. Toi pensando en conversaciones, conferencies, llibros, música, cine, teatru, pintura, escultura, arquiteutura,...
Anque soi vieyu nun arrenuncio a siguir aprendiendo.
Gracies por perder el tiempu lleendo les chifladures d'un paisanu de munchos años.
Un saludu.