Va prestame poner equí dalgunes de les munches semeyes que faigo nes mios caminates. Nun pretendo describir rutes nin dar conseyos sobre'l meyor camín pa faceles. N'Internet hai abondo d'eses informaciones y lo único que diba conseguir ye confundir.
De toes formes toi abiertu a responder a les entrugues que faiga daquién interesáu en dalgún de los mios paseos.
Fadré una introducción de caúna de les rutes.

viernes, 21 de febrero de 2014

Xerra d'Escapa: H.oyadongu y Mofrechu

          Vienres, 3 de xineru de 2014          Collada Ixena - Collada La Felguerina -Mayáu d'Hueses - Picu H.oyadongu - Picu Mofrechu - Vega Maor - Mayáu Vegalah.uente - Mayáu d'Hueses - Collada Ixena.

          "Odios y amores, favores y desprecios pasaron por min ensin dexar una buelga; les borrines de los montes, sicasí, inundaron la mio alma pa siempre; yá nun salen d'ella, yá nun van salir enxamás" (Pio Baroja) 

          Paga la pena facer una excursión a estos picos de la xerra La Escapa.
Les vistes dende  ellos son perguapes. Al norte una bona parte de la costa oriental d’Asturies, sobre too Ribesella y los meandros y desembocadura del ríu que  pon nome al pueblu. Al Sur gran parte del cordal interior asturianu, destacando los mui cercanos Picos d’Europa. Al este y oeste les guapes xerrines costeres.
Por esti motivu ye perimportante que’l tiempo acompañe, sin borrines nin ñubes, nos percorríos per estos cordales tan arrimaos a la costa.
Nesti casu nun foi el meyor día’l que escoyí pa facer la caminada. Prestóme pero hai xornaes muncho meyores pa que los nuesos güeyos puean gociar y les máquines de retratar reflexen meyor lo que mos arrodia.
El paséu ye cenciellu. Dende’l colláu Ixena, onde dexé’l coche, per una pista d’usu ganaderu va ganándose altura sin dificultá . Paezme una bona opción dir primero al H.oyadongu y dempués  d’almirar lo que la metereoloxía mos dexe, volver peles crestes pa llegar al más conocíu Mofrechu.
Si tenemos dos coches podría dexase ún nel colláu Ixena y l’otru en El Tornu y entonces sería meyor entamar pel Mofrechu y facer el percorríu al revés pa, pasando pel H.oyadongu, volver cresteando al Tornu. Como nun yeral’l casu baxé al camín del Mofrechu pa enllazar cola pista que abandonare pa dir al primer picu.
Nun m’alcuerdo les veces que patié per esta xerra, hebo díes meyores pero también peores. Volví pa casa contentu y cola intención de repitir el paséu en cualquier momentu. Ye curtiu y nun precisa muncha planificación.

5 comentarios:

  1. Hola Arturo.
    Como siempre enseñando esos paisajes, tan bonitos de Asturias y desconocidos para otros,gracias por compartir tus aventuras.Saludos.

    ResponderEliminar
  2. Gracies a ti por dedicar unos minutos a mirar esti modestu blog.
    Un saludu.

    ResponderEliminar
  3. Que guapes son les xerres costeres... como siempre les semeyes y les vistes de luxu. Un saludu

    ResponderEliminar
  4. Hacía tiempo que no pasaba tu blog y no puedo dejar de felicitarte por esas buenísimas entradas ¡cómo se agradece que utilices el wikiloc!. Gracias, Arturo.

    ResponderEliminar
  5. La montaña asturiana es mucho más que Picos. Es el conjunto de todas esas sierras de caliza áspera y blanquecina que nos describes en tus comentarios. Desde la Bobia hasta los confines de la comunidad Asturias tiene territorio de sobra para disfrutar de la naturaleza en todo su esplendor. Es un placer leerte en asturianu, la dulce y cantarina lengua romance de tu tierra.- Saludos, JT

    ResponderEliminar