Miércoles, 14 de mayu de 2014 Casa de Mieres - Ubiña la grande (A medies) - Peña Cerreos - Casa de Mieres.
“Ún, cola edá, llíbrase del deséu de facer les coses como los demás y fai tranquilamente y ensin mieu lo que-y paez a él.” William Somerset Maughan
Guapu día de monte y tamién aclaratoriu, ¿cuantes veces serán yá?, de que los años nun pasen de baldre.
La mio intención yera subir a Peña Ubiña dende la casa de Mieres y volver pel mesmu camín. La última vez que tuviera nesti emblemáticu monte de "los Alpes Tuizos", como diz un bon montañéru y amigu, subiera dende Tuiza d'Arriba. Y d'eso pasaren unos cuantos años.
Foi un día bien guapu, ensin borrina, que ye lo que más medrana me da cuando m'acerco al monte.
El paséu mañaneru taba resultándome prestósu y too diba como tenía planificao: les guapes vegues Candioches y Retuertu pa, dexando a manzorga Ubiña la pequeña, llegar al colláu Ronzón.
Dende aquí empieza la "verdadera" subida que recordaba menos incómoda: los años...Cuando taba a 2252 m según el mio GPS atopéme con un neveru al que nun m'atreví nin siquiera a intentar superar. Sentéme un poco a la so vera y con una pequeña deceición di la vuelta.
Faltábenme 159 m de desnivel y unos cuantos más de caminar pa llegar a la cume. Pero alcodábame que l'arista superior ye más ancha y fácil d'andar. Asina que volví pal colláu Ronzón cola moral daqué baxa.
De toes formes tengo bastante asumíes les mios torgues de vieyu, cada días más grandes, y sobre la marcha decidí dir a peña Cerreos. Nesti monte nunca tuviere.
De oeste a este según venía de peña Ubiña fui subiendo y tamién me resultó un poco complicao llegar a la cume. Sobre too una última canaluca na que tuvi que valime de les manes. (Nun sé cuantes veces me prometí nun volver a subir a un monte nel que tuviera qu'usales, pero...)
De toes formes prestóme y pasé una bona porción de tiempu xintando daqué, viendo les marques de les fortificaciones de la guerra civil y dexando que los mios güeyos gociasen del paisaxe.
La baxada hacia'l sureste paecióme más cómoda y disfrutando del paséu, caminando seliquino, acerquéme a la casa Mieres.
Un bon día de monte y la confirmación cada día más evidente de que los años nun pasen gratis.
De toes formes como diz Somerset Maughan tamién tien dalguna ventaya. El que nun se conforma...
“Ún, cola edá, llíbrase del deséu de facer les coses como los demás y fai tranquilamente y ensin mieu lo que-y paez a él.” William Somerset Maughan
Guapu día de monte y tamién aclaratoriu, ¿cuantes veces serán yá?, de que los años nun pasen de baldre.
La mio intención yera subir a Peña Ubiña dende la casa de Mieres y volver pel mesmu camín. La última vez que tuviera nesti emblemáticu monte de "los Alpes Tuizos", como diz un bon montañéru y amigu, subiera dende Tuiza d'Arriba. Y d'eso pasaren unos cuantos años.
Foi un día bien guapu, ensin borrina, que ye lo que más medrana me da cuando m'acerco al monte.
El paséu mañaneru taba resultándome prestósu y too diba como tenía planificao: les guapes vegues Candioches y Retuertu pa, dexando a manzorga Ubiña la pequeña, llegar al colláu Ronzón.
Dende aquí empieza la "verdadera" subida que recordaba menos incómoda: los años...Cuando taba a 2252 m según el mio GPS atopéme con un neveru al que nun m'atreví nin siquiera a intentar superar. Sentéme un poco a la so vera y con una pequeña deceición di la vuelta.
Faltábenme 159 m de desnivel y unos cuantos más de caminar pa llegar a la cume. Pero alcodábame que l'arista superior ye más ancha y fácil d'andar. Asina que volví pal colláu Ronzón cola moral daqué baxa.
De toes formes tengo bastante asumíes les mios torgues de vieyu, cada días más grandes, y sobre la marcha decidí dir a peña Cerreos. Nesti monte nunca tuviere.
De oeste a este según venía de peña Ubiña fui subiendo y tamién me resultó un poco complicao llegar a la cume. Sobre too una última canaluca na que tuvi que valime de les manes. (Nun sé cuantes veces me prometí nun volver a subir a un monte nel que tuviera qu'usales, pero...)
De toes formes prestóme y pasé una bona porción de tiempu xintando daqué, viendo les marques de les fortificaciones de la guerra civil y dexando que los mios güeyos gociasen del paisaxe.
La baxada hacia'l sureste paecióme más cómoda y disfrutando del paséu, caminando seliquino, acerquéme a la casa Mieres.
Un bon día de monte y la confirmación cada día más evidente de que los años nun pasen gratis.
De toes formes como diz Somerset Maughan tamién tien dalguna ventaya. El que nun se conforma...
Hola Arturo...Que te voy decir...pasennos los años...y pesennos, pero no hay de dexar de dir al monte, si no subimos mas, subimos menos. Eso ye secundario, lo importante ye patear po la Naturaleza y disfrutar de los paisexes que tenemos. Perguapa ruta y buenes fotos. Un abrazu.
ResponderEliminarYe verdá y eso a veces faete perder l'ánimu. Pero ye namái a veces ¿eh? A min, de momentu nun me pasa pela cabeza dexar de dir al monte. Nin me lo imaxino.
ResponderEliminarGracies polos tos comentarios.
Un saludu.
Na compañeru, retiráse a tiempu ye de sabios ya la sabiduría ye una d'eses coses que gánense colos años...
ResponderEliminarPrestoses semeyes!!!
N'efeutu. Daqué bono había tener lo de ser vieyu... El que nun se conforma...
ResponderEliminarUn saludu