Domingu, 27 d'abril de 2014 La Collá - Camín de la Llorera o de la Pastrana - Vega Les Capielles - Picu Ramiru o Cuitu Ramiru (Onde pon picu Monsacro) - Picu Llanu Villar (Onde pon La Fayona) - Picu La Fayona - Picu Mariellu - Picu Granda Madalena - Camín del Cintu - Los Yanos - Sienda debaxo la escuela escalada d'Otura - Otura - Cantu la Xerra - La Collá.
"Montañeru que nun se equivoca, o nun va al monte o ¡menuda boca!" Anónimo
Decía'l montañeru suizu Erhard Loretan: "¿Cómo pue esplicase a la xente que nun xubió na so vida a un monte, por bien baxu que sía, lo qu'asocede ellí arriba?
Un pensamientu asemeyáu téngolu siempre cuando toi nun monte más o menos cercanu, perpatiau o nuevu pa min, de munchu o pocu altor...
El Monsacru ye un sitiu tan cercanu a Uviéu, tan percorríu polos que mos gusta'l monte y vivimos nesta ciudá que casi paez que cuando lu patiamos, esi día, nun salimos de casa.
Ye un miradoriu perguapu de l'Asturies central y de munchos de los sos montes: Uviéu, Xixón, el banzáu de los Alfilorios, el torrexón de Peñerúes, los montes vecinos: Garcilleru, Manteca, Magarrón, Llosoriu, Mostayal, Aramu o los más alloñaos de L.lena, Ayer,Casu, Ponga,...
A min préstame trotialu siempre y hasta dalgunes veces celebré l'Añu Nuevu dando un paséu per elli.
Daquella siempre entamaba la miniescursión dende Los Yanos subiendo pela pista y volvía pel mesmu sitiu.
Dende que una señal pon torgues p'aparcar nos Yanos empecé a dexar el coche na Collá y a subir pel Camín de la Llorera. La verdá ye que préstame más y una montonera veces fixi lo mesmo: Vega Les Capielles, picu Cuitu Ramiru, picu Llanu Villar y vuelta pela mesma sienda.
Nunca fixere'l camín circular volviendo pel Cantu la Xerra nin pasare pelos picos Mariellu y Granda Madalena. Quiciabes esti cambéu d'itinerariu, xunío al mio estáu d'ánimu y al bon tiempu que taba, fixo d'esta escursión algo especial.
Facía muncho que nun lo pasaba tan bien nun monte. Les sensaciones que se sienten nestos momentos namás que les saben los que tenemos la suerte de tener esta afición y podemos prauticala de cutiu.
Ye bastante enguedeyada la toponimia que s'atopa de los nomes de los sos picos. A min paécenme fiables les esplicaciones de Caminando por Morcín y remítome a elles.
Nunca subí dende Viapará y tengo facelo a nun tardar. De xuru que tamién ye una alternativa interesante.
Tamién tien que ser guapo la variante qu'esplica nel so escelente blog Javier Villa Cienfuegos.
Ye una llástima la llinia d'alta tension que con sos xigantesques columnes crucia esti guapu monte. Tendremos que tar sollertes pa que coses como éstes nun vuelvan pasar. (Hai un proyeutu arrequexáu pola crisis que pretende franquiar la xerra Peñamayor).
Una vegada más tengo que dicir que ye casi imposible pasalo meyor. Foi una mañana de monte pa nun escaecer.
"Montañeru que nun se equivoca, o nun va al monte o ¡menuda boca!" Anónimo
Decía'l montañeru suizu Erhard Loretan: "¿Cómo pue esplicase a la xente que nun xubió na so vida a un monte, por bien baxu que sía, lo qu'asocede ellí arriba?
Un pensamientu asemeyáu téngolu siempre cuando toi nun monte más o menos cercanu, perpatiau o nuevu pa min, de munchu o pocu altor...
El Monsacru ye un sitiu tan cercanu a Uviéu, tan percorríu polos que mos gusta'l monte y vivimos nesta ciudá que casi paez que cuando lu patiamos, esi día, nun salimos de casa.
Ye un miradoriu perguapu de l'Asturies central y de munchos de los sos montes: Uviéu, Xixón, el banzáu de los Alfilorios, el torrexón de Peñerúes, los montes vecinos: Garcilleru, Manteca, Magarrón, Llosoriu, Mostayal, Aramu o los más alloñaos de L.lena, Ayer,Casu, Ponga,...
A min préstame trotialu siempre y hasta dalgunes veces celebré l'Añu Nuevu dando un paséu per elli.
Daquella siempre entamaba la miniescursión dende Los Yanos subiendo pela pista y volvía pel mesmu sitiu.
Dende que una señal pon torgues p'aparcar nos Yanos empecé a dexar el coche na Collá y a subir pel Camín de la Llorera. La verdá ye que préstame más y una montonera veces fixi lo mesmo: Vega Les Capielles, picu Cuitu Ramiru, picu Llanu Villar y vuelta pela mesma sienda.
Nunca fixere'l camín circular volviendo pel Cantu la Xerra nin pasare pelos picos Mariellu y Granda Madalena. Quiciabes esti cambéu d'itinerariu, xunío al mio estáu d'ánimu y al bon tiempu que taba, fixo d'esta escursión algo especial.
Facía muncho que nun lo pasaba tan bien nun monte. Les sensaciones que se sienten nestos momentos namás que les saben los que tenemos la suerte de tener esta afición y podemos prauticala de cutiu.
Ye bastante enguedeyada la toponimia que s'atopa de los nomes de los sos picos. A min paécenme fiables les esplicaciones de Caminando por Morcín y remítome a elles.
Nunca subí dende Viapará y tengo facelo a nun tardar. De xuru que tamién ye una alternativa interesante.
Tamién tien que ser guapo la variante qu'esplica nel so escelente blog Javier Villa Cienfuegos.
Ye una llástima la llinia d'alta tension que con sos xigantesques columnes crucia esti guapu monte. Tendremos que tar sollertes pa que coses como éstes nun vuelvan pasar. (Hai un proyeutu arrequexáu pola crisis que pretende franquiar la xerra Peñamayor).
Una vegada más tengo que dicir que ye casi imposible pasalo meyor. Foi una mañana de monte pa nun escaecer.
Hola Arturo, que guapa patiada, tan cerquina...y y nunca la fice...to que animame a facela...Per guapes les fotos. Un abrazu. ¡Que razón tien el dichu...ye raru el dia que non pierdo la senda y tengo que meteme entre les cotolles!.
ResponderEliminarLo de perdese pémeque ye algo que mos pasa a toos. Por suerte suelen ser pérdigues ensin importancia y con soluciones fáciles. De cualquier mou convién curiar y estudiar los percorríos pa nun tener que llamentase dempués.
ResponderEliminarPer otru llau, el Monsacru ye un monte que paga la pena conocelu y patialu. A min siempre me presta.
Un saludu.