Domingu, 12 de xunetu de 2015 Valbona - Colláu la Palanca - Picu la Riegla - Picu Altu'l Pozu - Picu Urru o Peña Mantega (D'esta manera lu llamen en Valbona) - Colláu Muracu - Colláu La Espina - Brañavieya - Espina Fuexu - Braña Estremera - La Cruz - Las Estacas - Valbona.
Facía tiempu que m'apetecía facer esti percorríu. Preparara'l paséu con procuru y esperaba con gana la llegada'l día elexíu: un domingu de primeros de xunetu. La selmana nun fuera buena pero los pronósticos dicíen que'l domingu entamaría'l bon tiempu.
Col enfotu de que esto fuera asina llevantéme bien ceo. Tárdase un bon trechu en llegar a Valbona, llugar elexíu pal niciu del camín.
Pémeque foi a escoyer el peor día de xunetu pa facer esta escursión.
Cuando salí d’Uviéu orpinaba sin parar y la borrina yera tan abondante que nun dexaba ver más allá de cuatro palmos. De toes formes les previsiones meteorolóxiques dicíen que diba meyorar a midida que avanzare'l día y salí pal guapu conceyu Balmonte ensin duldalo.
Una vez aparcáu’l coche nuna placina en mediu’l pueblu empezaron a entrame les duldes. Siguía orbayando y el borrín yera más espesu que n’Uviéu.
Falé con un paisanu y diome un daqué de moral diciéndome que-y paicía que diba llevantar…¡De xuru que tenía yerba segada y munches ganes de curala! Amás tuvo cuntándome qu’una temporadina antes atoparen una osa mediu muerta nuna cabaña al llau del camín per onde tenía que pasar. Sabía del fechu porque saliera varios díes na prensa y picóme l'interés.
Fastidiábame dar la vuelta sin facer nada y col enfotu de que l’home acertara y de ver el llugar onde apaiciera la osa, prepáreme y entamé a caminar prometiéndome que si pasada la cabaña y al acabar la pista nun se quitaba la niebla daría la vuelta.
Pero siguí, nun soi partidariu d'arriesgar y nun suelo facelo pero esta vez...Por momentos paicíame que diba abrir y siguí p'arriba.
La verdá ye que nun tuvi nengún problema importante pero tampoco disfruté como n'otres ocasiones.
Costóme pasar un par de pedregales con unes peñones grandes y resbaladices pol agua. Quiciabes heba pasos meyores pero la borrina nun me dexaba velos.
Pa complicar un pocu más les coses l'abonda maleza sobre too de beriza mui alta y en munchos llugares restos de cañes quemaes fae difícil movese en bastantes llugares del percorríu.
Amás dempués de llegar al Urru y imaxinar que s'acabaron toles penuries tovía queden unos cientos de metros de baxada pa engardiase col carrizu.
P'acabar d'estrozar la escursión al final tuvi qu'andar unos tres kilómetros per carretera dende antes de Las Estacas hasta Valbona.
En resume nun foi ún de los díes de monte más guapos. Tendré que volver con meyor tiempu pa reconciliame con esta xerra, que de xuru pue dar bones satisfaiciones montañeres.
“Los peligros, vistos de cerca, puen controlase: cuando empieces a xubir el monte de los tos suaños, presta atención a lo que t’arrodia. Hai despeñaderos, claro. Hai fendedures casi imperceutibles. Hai piedres tan apolazaes poles tormentes que se vuelven resbalices como'l xelu. Pero si sabes ónde pones el pie, vas date cuenta de los peligros y vas saber evitalos.” De “Manual para escalar montañas.”
Distancia: 21,32 km
Finaliza nel puntu de partida (circular): Sí
Desnivel acumuláu subiendo: 1055 m
Altitú máxima: 1528 m
Desnivel acumuláu baxando: 1055 m
Altitú mínima: 612 m
Facía tiempu que m'apetecía facer esti percorríu. Preparara'l paséu con procuru y esperaba con gana la llegada'l día elexíu: un domingu de primeros de xunetu. La selmana nun fuera buena pero los pronósticos dicíen que'l domingu entamaría'l bon tiempu.
Col enfotu de que esto fuera asina llevantéme bien ceo. Tárdase un bon trechu en llegar a Valbona, llugar elexíu pal niciu del camín.
Pémeque foi a escoyer el peor día de xunetu pa facer esta escursión.
Cuando salí d’Uviéu orpinaba sin parar y la borrina yera tan abondante que nun dexaba ver más allá de cuatro palmos. De toes formes les previsiones meteorolóxiques dicíen que diba meyorar a midida que avanzare'l día y salí pal guapu conceyu Balmonte ensin duldalo.
Una vez aparcáu’l coche nuna placina en mediu’l pueblu empezaron a entrame les duldes. Siguía orbayando y el borrín yera más espesu que n’Uviéu.
Falé con un paisanu y diome un daqué de moral diciéndome que-y paicía que diba llevantar…¡De xuru que tenía yerba segada y munches ganes de curala! Amás tuvo cuntándome qu’una temporadina antes atoparen una osa mediu muerta nuna cabaña al llau del camín per onde tenía que pasar. Sabía del fechu porque saliera varios díes na prensa y picóme l'interés.
Fastidiábame dar la vuelta sin facer nada y col enfotu de que l’home acertara y de ver el llugar onde apaiciera la osa, prepáreme y entamé a caminar prometiéndome que si pasada la cabaña y al acabar la pista nun se quitaba la niebla daría la vuelta.
Pero siguí, nun soi partidariu d'arriesgar y nun suelo facelo pero esta vez...Por momentos paicíame que diba abrir y siguí p'arriba.
La verdá ye que nun tuvi nengún problema importante pero tampoco disfruté como n'otres ocasiones.
Costóme pasar un par de pedregales con unes peñones grandes y resbaladices pol agua. Quiciabes heba pasos meyores pero la borrina nun me dexaba velos.
Pa complicar un pocu más les coses l'abonda maleza sobre too de beriza mui alta y en munchos llugares restos de cañes quemaes fae difícil movese en bastantes llugares del percorríu.
Amás dempués de llegar al Urru y imaxinar que s'acabaron toles penuries tovía queden unos cientos de metros de baxada pa engardiase col carrizu.
P'acabar d'estrozar la escursión al final tuvi qu'andar unos tres kilómetros per carretera dende antes de Las Estacas hasta Valbona.
En resume nun foi ún de los díes de monte más guapos. Tendré que volver con meyor tiempu pa reconciliame con esta xerra, que de xuru pue dar bones satisfaiciones montañeres.
Powered by Wikiloc
No hay comentarios:
Publicar un comentario