Va prestame poner equí dalgunes de les munches semeyes que faigo nes mios caminates. Nun pretendo describir rutes nin dar conseyos sobre'l meyor camín pa faceles. N'Internet hai abondo d'eses informaciones y lo único que diba conseguir ye confundir.
De toes formes toi abiertu a responder a les entrugues que faiga daquién interesáu en dalgún de los mios paseos.
Fadré una introducción de caúna de les rutes.

martes, 30 de abril de 2013

Xerra de Caranga: La Forcada

        Domingu, 21 d'abril de 2013       Villamexín - Collada Aciera - La Forcada - Colláu La Forcá - Vallina de La Forcá - Collada Aciera - Villamexín.

        "Depués de tener conocimientu falsu d'un monte ensin conocelu, yes a entendelu y descubrílu cuando xubes, llegues, sientes y baxes d'él".
Germán Rojas
   
        Tando'l día anterior patiando pel Camín Francés en dirección Forcaos Viel.los, decidí dir  al picu La Forcada en cuanto pudiera.
        La xerra Caranga paez que tien imán. Si se ve dende un altu exerce un atractivu visual, que tarde o temprano, llévamos a pisala. Y nun solo la xerra, tamién engancha'l valle que  forma col Aramu y el guapu pueblín de Villamexín.
        Como paicía qu'amanecía guapo, nun dexé qu'enfriara la idea y, hacia les diez de la mañana, entamé a caminar en Villamexín. El camín ye cómodu pero bien pindiu, va pente praos, castañales, ablanares y dalguna faya.
        Vamos dexando a mandrecha'l regatu Fayes. Pásase per Cerezales, Prau Nuevu y Varodríguez pa llegar al mayáu de Llindelafaya. Al paicer, esti conxuntu de cabañes ganaderes foi un antiguu poblamientu nel qu'había una lleprosería y nel que tovía queda una capiella.
        Dende que se sal de Villamexín siempre tenemos a la vista'l picu La Forcada y La Hoya. Cuando se va viendo la cara este del primeru llamen l'atención tres furacones que paecen cueves.
        De secute tamos na collada Aciera, un guapu mirador de los valles de Quirós y de montes como El Gurrión, peña Rueda, los Fontanes, Peña Ubiña,...
        La llástima ye que'l tiempu, un pocu emborrascáu, nun dexaba ver gran cosa.
        Dende esta prestosa campera a manzorga pue subise a la xerra de Tene. Pa dir a La Forcada hai una pista bien nueva qu'en dirección norte llévamos al pie del colláu que ta ente los dos picos. En cuenta de subir pela vallina, cola vista puesta na cuevona de más al sur, entamé a ascender hasta llegar a la  boca de la supuesta cueva.
        Dende equí, sin pasar pel colláu, llégase en pocu tiempu a la cume.
        Con bona visibilidá,  los nuesos güeyos puen gociar coles vistes de los dos valles: pel que subimos y el que se forma cola xerra Sobia. Al norte Proaza y el valle de Trubia; al noroeste, el monte pel que pasa'l Camín Francés, que patié'l día enantes. Al este l'Aramu y al sur los montes que víamos dende la collada Aciera.
        La vuelta fíxila muncho más cómoda. Baxé al colláu La Forcá y per una siendina con munches revueltes llegué a la pista disfrutando del día qu'entamaba a tar más claru.
        Cola borrina casi desapaicía completóse una guapa mañana de monte.


8 comentarios:

  1. Buena colección de fotos, lástima de les nubes bajes que no dejaron disfrutar desde la cumbre les vistes.
    Saludos

    ResponderEliminar
  2. Gracies. De toes formes, pémeque les mios cualidaes como retratista dexen daqué que desear. Pero bono, faigo lo que pueo y sé.
    Saludos


    ResponderEliminar
  3. Me ha gustado el reportaje que has puesto en Picasa, Arturo. Máxime cuando yo todavía no he estado nunca en las cumbres de esa sierra (si he estado en ella pero por su parte baja). Son picos que siempre llaman la atención cuando pasas por Proaza, ¿verdad?
    Gracias por mostrar tu trabajo.

    ResponderEliminar
  4. Hola Arturo, ¡que guapa pateada!, esta tengo que facela, y guapes fotos. Un abrazu.

    ResponderEliminar
  5. Nun ye difícil y sobre too con buen tiempu, merez la pena.
    Un saludu.

    ResponderEliminar
  6. Esa sierrina tien muy buenes vistes, ye modesta pero matona. Da munchu xuegu.
    Un saludu

    ResponderEliminar
  7. A min prestóme y pienso volver con un pocu más de tiempu pa tentar de xubir a La Hoya.
    Un saludu.

    ResponderEliminar
  8. Muy guapa la ruta y les semeyes.Yo probé a subila en bici y quedeme al pie del collau que ta ente los dos picos. No taba preparau con el culot y playeros.Ansin que pa la próxima.
    Un saludu

    ResponderEliminar