Va prestame poner equí dalgunes de les munches semeyes que faigo nes mios caminates. Nun pretendo describir rutes nin dar conseyos sobre'l meyor camín pa faceles. N'Internet hai abondo d'eses informaciones y lo único que diba conseguir ye confundir.
De toes formes toi abiertu a responder a les entrugues que faiga daquién interesáu en dalgún de los mios paseos.
Fadré una introducción de caúna de les rutes.

domingo, 25 de agosto de 2013

Xerra Gurrión (Picu Contruteiru)

          Vienres, 9 d'Agostu de 2013         Embalse Valdemuriu - Turiezu - Braña Chendeneva - Colláu Quintaneiru  - Picu Contruteiru - Colláu Ordiales - Camperes del Praón - Baxada pente felechal y escayada - Braña La Corrá - Baxada con más felechal y escayada - Pasu de Peñafurada - Forcada Espín - Embalse Valdemuriu.

          "L'home que sabe cuando nun actuar ye sabiu. A la mio forma de ver la vida, la valentía ye prudencia." Eurípides

          Nun toi seguru que dalguna vez me prestare secretar adrenalina pola mor del mieu. A min eso de "espuesta y pequeña  trepadina", "un pocu patiu", "pasu daqué aéreu", "esguiladina comprometida",... nun m'emociona nin m'estimula. Voi al monte a pasalo bien, a disfrutar del paisaxe, a facer exerciciu físicu,...y a percibir unes sensaciones que nengún otru sitiu me produz. D'esta miente planifico los mios paseos pensando qu'anque seyan esixentes pol altor o la llargura'l percorríu nun escuendan dalgún peligru. Asina y too ye normal atopase en cada patiada con dalguna torga que difiiculta la escursión.
          Tuviera fae una temporada nel picu Mayor y anque con unes vistes perguapes nun me quedaren ganes de repetir. Eso sí, prestárame'l paséu y  quedéme cola gana de subir al Contruteiru y facer el percorríu circular pasando per Peñafurada. Nun m'arrepiento pero tampoco quedé mui satisfechu del paséu. Lo mesmo qu'al Gurrión, nun me gustó l'ascensu a la so cume y la baxada pente felechos y artos dende les camperes del Praón tampoco ye prestosa. Pienso qu'hai que dir n'otra época del añu cuando la broza nun espoxigue como agora.
          A pesar de los problemes paga la pena la escursión. Les panorámiques de los montes de Quirós, Proaza, Teberga,...son inmeyorables. Presta'l pasu per Peñafurada y les guapes vistes del embalse dende la forcada Espín. Son paicíes a les que se ven tando nel picu Mayor.
          En resume ye una ruta recomendable si se fae nel iviernu o l'entamu la primavera y, si a daquién-y pasa lo que a min, puen evitase los cumales y entós nun tien más dificultá que lo pindio de les subides y baxades.

6 comentarios:

  1. Hola,me lo encontrado en el grupo de senderismo,me ha gustado, si no te importa me quedo por aquí de seguidor,esta entrada tiene magnificas vistas.Un saludo desde Andújar.

    ResponderEliminar
  2. Me agrada que hayas visitado este modesto blog.
    Entiendo que usar la llingua asturiana sea un pequeño impedimento para los que sois de otras comunidades pero no podemos dejar que una de las mayores riquezas de nuestro patrimonio cultural muera. La ayuda de las administraciones es casi nula por lo que debemos usar l'asturianu en todos los lugares públicos que podamos.
    Una vez más gracias por tu visita.
    Un saludo desde Uviéu.

    ResponderEliminar
    Respuestas
    1. Te entiendo Arturo, y no pasa nada estuve de vacaciones en tu tierra y me vine encantado en general,costumbres comidas,etc.Un saludo.

      Eliminar
  3. Téngo-y munchísimes ganes a esta xerra... toi fartucu vela dende los parés del L.lano cuando voi esguilar y siempre voi dexándola, como dalgo pendiente pa cuando haya muncha ñeve nos altos y coses pol estilu y al final.... sigue tando ehí.

    Va siendo hora de conocela... mil gracies pol adelantu

    Un abrazu

    ResponderEliminar
  4. Hola Arturo, que fotos mas chules, la del llagu con los arboles reflejandose me encanta. Guapa pateada. Un abrazu.

    ResponderEliminar