Vienres, 28 de marzu de 2014 Pra - Pista a Les Praeres - La Revueltona - Mayáu del Valle - Pista a Les Praeres - La Varallonga - Mayáu Pastor -Tabléu - La Vallorita - Bocarral - Pra.
¿Esto de mediu ambiente será porque yá destruyimos la metá? (Anónimu)
Conozo dalgunos montes de la mayoría conceyos d'Asturies. Magar qu'hai munchos que me gusten nunca me cansaré de dicir qu'esta xerra, modesta n'altor, ye pa min lo más guapo d'Asturies. Sé que nun soi oxetivu y que toi influyíu pola vecindá pero ensin dulda que ye'l cordal onde meyor lo paso.
Esti percorríu, que como munchos otros, entama en Pra ye una escursión curtia y factible pa cualquiera mínimamente avezáu a patiar pel monte.
La primera parte, un kilómetro y mediu aproximao, trescurre pela pista que dende Nava xube a Les Praeres. A mandrecha hai un castañéu perguapu. Na Revueltona coyemos el camín que sal en direición contraria y pel que con facilidá llegamos al casi abandonáu mayáu d'El Valle.
Siempre que voi pequí nun me canso de facer semeyes de los pueblinos de la Puente Arriba: Piloñeta, Grátila, Basoréu, la Curtia, Cezosu, la Capitana, la Viña... Al igual que Peñamayor tamién me paecen de lo más guapo d'Asturies.
Pasamos un portelleru y tamos nel Valle, onde yá casi nun queden cabañes en pie. Equí acábase'l bon camín. El que siguía p'arriba hasta cerca Les Praeres ta perdíu. De momentu y nesta época del añu pásase relativamente bien. Cola primavera avanzada y nel branu los escayos y otra maleza pónenlo daqué más difícil.
Salimos a la pista que dexáremos na Revueltona y dempués d'unos cuatrocientos metros entamamos la guapa y fácil xubida a la Varallonga.
Esti picu da a los nuesos güeyos muncho más de lo que podía esperase de la so modesta altura: a los sos pies Les Praeres, el picu Reondu o la Cota, l'Orozu, el guapu mayáu de Llames Llagar, tola xerra Peñamayor, la Múa, la Xamoca, el Facéu y otros montes de Piloña, de Ponga,... Al Norte dende'l Sueve a Uviéu: pueblinos de Piloña, Cabranes, Nava, Sariegu, Sieru, Noreña, Uviéu,...El cordal de la Llomba, peña Careses,...Cerquina tolos pueblinos de la Puente Arriba, el palaciu la Ferrería, la guapa villa de Nava,...¿Hai más que pidir?
El camín de la Varallonga al mayáu Pastor, pente ablanales, ye prestosu a esgaya.
Dempués baxamos pela pista que va a H.uensanta gociando de bones vistes.
Un kilómetru antes del antiguu balneariu esviámosmos a manzorga pa dempués de travesar un guapu carbayéu, que dacuando déxanos ver el palaciu la Ferrería, llegar a la güeria de Bocarral y de siguío a la pista Les Praeres y a Pra. D'esta manera completamos un entreteníu percorríu circular.
¿Esto de mediu ambiente será porque yá destruyimos la metá? (Anónimu)
Conozo dalgunos montes de la mayoría conceyos d'Asturies. Magar qu'hai munchos que me gusten nunca me cansaré de dicir qu'esta xerra, modesta n'altor, ye pa min lo más guapo d'Asturies. Sé que nun soi oxetivu y que toi influyíu pola vecindá pero ensin dulda que ye'l cordal onde meyor lo paso.
Esti percorríu, que como munchos otros, entama en Pra ye una escursión curtia y factible pa cualquiera mínimamente avezáu a patiar pel monte.
La primera parte, un kilómetro y mediu aproximao, trescurre pela pista que dende Nava xube a Les Praeres. A mandrecha hai un castañéu perguapu. Na Revueltona coyemos el camín que sal en direición contraria y pel que con facilidá llegamos al casi abandonáu mayáu d'El Valle.
Siempre que voi pequí nun me canso de facer semeyes de los pueblinos de la Puente Arriba: Piloñeta, Grátila, Basoréu, la Curtia, Cezosu, la Capitana, la Viña... Al igual que Peñamayor tamién me paecen de lo más guapo d'Asturies.
Pasamos un portelleru y tamos nel Valle, onde yá casi nun queden cabañes en pie. Equí acábase'l bon camín. El que siguía p'arriba hasta cerca Les Praeres ta perdíu. De momentu y nesta época del añu pásase relativamente bien. Cola primavera avanzada y nel branu los escayos y otra maleza pónenlo daqué más difícil.
Salimos a la pista que dexáremos na Revueltona y dempués d'unos cuatrocientos metros entamamos la guapa y fácil xubida a la Varallonga.
Esti picu da a los nuesos güeyos muncho más de lo que podía esperase de la so modesta altura: a los sos pies Les Praeres, el picu Reondu o la Cota, l'Orozu, el guapu mayáu de Llames Llagar, tola xerra Peñamayor, la Múa, la Xamoca, el Facéu y otros montes de Piloña, de Ponga,... Al Norte dende'l Sueve a Uviéu: pueblinos de Piloña, Cabranes, Nava, Sariegu, Sieru, Noreña, Uviéu,...El cordal de la Llomba, peña Careses,...Cerquina tolos pueblinos de la Puente Arriba, el palaciu la Ferrería, la guapa villa de Nava,...¿Hai más que pidir?
El camín de la Varallonga al mayáu Pastor, pente ablanales, ye prestosu a esgaya.
Dempués baxamos pela pista que va a H.uensanta gociando de bones vistes.
Un kilómetru antes del antiguu balneariu esviámosmos a manzorga pa dempués de travesar un guapu carbayéu, que dacuando déxanos ver el palaciu la Ferrería, llegar a la güeria de Bocarral y de siguío a la pista Les Praeres y a Pra. D'esta manera completamos un entreteníu percorríu circular.
Hoa Arturo, que guapa ruta...de la que conozco parte, de subir por les Foces del riu Pendón. Un abrazu, y buenes fotos.
ResponderEliminarHola Arturo.
ResponderEliminarUna ruta chula,y que suerte tenéis de poder salir todo el año hacer rutas,toda la sierra verde,aquí cuando empiece la calor no puedes salir,y ademas se seca todo.Un saludo.
Ye verdá que somos afortunaos. L'únicu inconveniente ye l'agua que tenemos bastantes díes al añu. Pero ye'l pagu obligáu que tenemos que facer pa mantener estos paisaxes tan verdes y tan guapos.
ResponderEliminarN'efeutu Jorge, la baxada dende'l Mayáu Pastor ye parte del percorríu de les Foces del Pendón.